England in UEFA Nations League group stage a an match hnuhnung berah hnehna an chang teuh a. Goal hnih a an hniam hnuah huntawp dawnah Germany an si phurh sut tirin 3-3 in an inhnehtawk.
Wembley Stadium a inkhelah Germany in second half-ah Ilkay Gundogan leh Kai Havertz hmang ten goal an khung a, dinhmun thaah an ding.
Mahse England in minute nga chhungin Luke Shaw leh Mason Mount te goal khung hmangin an chhanglet a. VAR hmanga penalty hmu leh bawkin captain Harry Kane chuan goal khungin hma a hruaipui.
Mahse minute 87-naah England goalkeeper Nick Pope a chesual a. Germany goal shot a man theih loh chu Kai Havertz-a’n nang fuhin an si phurh sut nan a hmang.
Bukayo Saka chuan second half tawp dawnah goal khungna remchang a nei a, mahse Marc Andre Ter Stegen-a’n a lo dansak.
Germany coach Hansi Flick chuan, “2-0 ah kha chuan kan dinhmun a tha a, inrintawkna nen kan khelh avangin kan nghet. Mahse England in substitution an siam khan inkhel a thlak danglam hle a, an goal nawr kha a na sawt.”
“A tha lam kan thlir a ngai. Ka player-te an huaisenna in fak a phu a, kan comeback theih khan kan beidawng lo tih chiang takin a tilang.” a ti bawk.
England hian khelh ruk atang point thum chauh an hmu a, chak mahse an tla chiang tawh.