- Ruata
Tata Motors chuan Tata Tiago EV thar an tichhuak leh ta a, Tata Tigor EV hnuai chiaha mi tur a ni a. Tata Tiago hi passenger vehicle electric hmanga tlawm ber a ni dawn ta a, Rs. Nuai 8.49 man atangin a intan dawn a ni.
Tata Tiago electric hi internal combustion khawl hmang chhuak mek nen a landanah chuan a inang tlangpui a. A design element thenkhatah electric hmang model hian danglanna tlem a nei thung a ni. Tata Tiago electric chhuak thar hi rawng pawl, blue accent in a hma grille leh a fog lamp-ah te chei a ni a. Blanked-off grille, gloss black with tri-arrow pattern a nei a, EV badging leh projector headlamp a nei bawk a ni.
Kentel hrang hrang
Tata Tiago electric chhuak thar hian kentel hrang hrang – sport mode, connected car tech, leatherette seats, fully automatic AC, cooled glovebox leh i-TPMS te a nei a. Heng bakah hian multi-mode regen, cruise control, fast charging technology leh ZConnect features a nei bawk a ni. a kentel tam zawk hi chu tuna Tata Tiago chhuak mek, electric ni lo nen a inang tlangpui a ni.
A kentel dang thenkhat te chu rear defogger, rear parking camera, multi-functional steering wheel, electrically adjustable ORVMs with integrated turn indicators, voice command, height adjustable driver seat, 7-inch touchscreen infotainment system with Apple CarPlay & Android Auto support leh 8-speaker Harman-sourced music system te a ni.
Tata Motors hian multi-mode regen braking hi Nexon EV Max ah an lo dah tawh a. Nexon EV Prime-ah pawh a hnuah an dah a ni. Regen braking hian a lirthei tlan laiin electric a lo siamin a lo khawl thei a ni.
Tata Tiago Electric Battery Pack & Range
Tiago electric chhuak thar hian a platform lamah chuan Tigor EV a tawm a, Ziptron powertrain a hmang bawk a ni. He electric khawl hian battery pack pahnih – 24kWh leh 19.2kWh te duhthlan tur a nei a. A battery charge full in a hmasa zawk tlan thui theih zawng, certified range hi 315km a ni a, a hnuhnung zawk tlan thui theih zawng hi 250km a ni. Long range version hian 55kW emaw 74bhp power emaw a pechhuak thei a, 115Nm torque a pechhuak thei bawk a. Limited range version hian 45kW emaw 60bhp emaw power a pekchhuah theih bakah 105Nm torque a pechhuak thei bawk a ni.
He electric khawl hian 0 to 60kmph chu second 5.7 lekah a kai tir thei a, a pick up a tha viau dawn a ni. Company lam hian kum 8 emaw 1.6 lakh kms emaw warranty a battery pack ah hian an pe a. Charging option pali – regular 15A home charger, 3.3kW AC charger, 7.2kW AC home charger leh DC Fast Charger te a awm bawk a ni.
A battery hi darkar 3 leh minute 36 ah 7.2kW AC Charger hmangin a charge full thei a. DC Fast charger hmang chuan 10% to 80% hi minute 57 lekah a charge thei bawk a ni.
Electric hmang lirthei hi India ram leh khawvel hmundangah pawh kan la uar telh telh dawn a. Hei hi petrol leh diesel in kan chhehvel boruak a tihchhiat nasat tawh vang a ni ber a. Hetiang lama hmasawn chak tak mai Tata Motors in lirthei thar an han nei leh hi thil chhinchhiah tlak tak a ni.