Spain in huntawp dawnah goal an khung a, a bet zawka an tan reina inkhelah 1-0 a chak zawkin an chung a awm Portugal chu lehpel in UEFA Nations League Finals khel turin an tling.
Thawhlehni zana Estádio Municipal de Braga a inkhelah La Roja tan huntawp dawn tawhah striker Alvaro Morata chuan inkhel pawimawh a goal a khung a. Nico Williams-a’n goal hma a ball a tauh rem sak chu goal-ah a khung.
An khingpui Portugal hian Finals khel turin point khat hmuh chiah an mamawh a. An rama inkhelah hian kheltha zawk leh team hlauhawm zawk an ni rei.
An tlarhmaah Diogo Jota leh Cristiano Ronaldo ten goal khungna remchang an neih an khung thei lo ve ve a. Midfield-ah Bruno Fernandes leh Bernardo Silva ten goal hlauhawm an siam fo thin.
Mahse Group A2 a hmahruaitu ni chunga bul tan Selecao in goal an khung thei tlat lova. Kum 2018-19 a an champion tawhnaah inlan nawn thei lovin Spain zawkin Croatia, Netherlands leh Italy te hnung an zui.
Spain tan goalkeeper Unai Simon a rim hle a. An substitute Athletic Bilbao forward Williams a luh hnuah inkhel a thlak danglam a. Portugal goalkeeper Diogo Costa chuan save tha tak a lakah vawi hnih a siam a ngai. Mahse Costa hian Morata goal khung tur erawh a dang thei lova. Kum 2021 a Nations League Final a tlawm Spain in nakkumah champion theihna hun an nei dawn.
Spain coach Luis Enrique chuan, “He infiamna hi a ropui a, hnehna chan hi damna tha ber a ni.”
“Portugal hian khawvela team tha ber pawl an nei a, player tha ber berte an kawl. First half-ah ball kan chang tam a, mahse kan khingpuite lamah kan chang hnem lo. Second half-ah khalai kha kan siamthat hnuah kan danglam a, goal kan khung kha a beiseiawm telh telh a ni.” tiin an inkhel a thlirlet.