India ramah darkar 24 liam ta chhungin COVID-19 kai mi 4,272 hmuh chhuah leh hman niin mi 4,45,83,360-in an kai tawh.
Tun hnaiah hri leng dinhmun hi nasa taka ziaawm tawhin union health ministry-in a chhinchhiah dan chuan a kai enkawl lai pawh a ni telin a hniam zawngin a kal zel a, mi 40,750 enkawl mek an la awm a ni.
Darkar 24 liam ta chhung hian hri leng avanga thi mi 27 chhinchhiah belh leh hman an ni a, an zinga mi 16 zet chu a hmaa thi tawh, Kerala-a tlaikhawhnua chhinchhiahnaa telh thar an ni a, heng mite nen hian mi 5,28,611-in an thihpui tawh a ni.
Hri kai hmuh chhuah tawh zawng zawng atanga chhutin a kai enkawl mek hi 0.09% an la ni mek a, 98.72% erawh enkawl dam an ni tawh niin health ministry chuan a sawi.
Darkar 24 liam ta chhunga sample endik zinga 1.35% chuan Covid an kai tih finfiah niin chawlhkar khat liam ta chhunga endik zinga 1.51%-in an kai bawk.
Darkar 24 liam ta chhung hian a kai enkawl lai hi mi 229-in a hma ni aiin an tlem leh hman a, mi 4,40,13,999 zet enkawl dam an ni tawh a. A kai hmuh tawh zinga 1.19% chuan an thihpui a ni.
Hripui avanga thi tam zawk, 70% vel chu a hmaa natna benvawn lo nei sa an ni nghe nghe.
Ministry chuan invenna pek beihpui thlak kal mek zelah, January 16, 2021 atang khan vaccine dose vaibelchhe 218.17 pek tawh a ni a. India rama invenna la thei zawng zawng deuhthawin dose khat tal vaccine hi an la tawh a ni.