Aizawl : October ni 1 (Inrinni) kha National voluntary blood donation day a ni a, Association for voluntary blood donation (AVBD), Hnahthial branch leh Khawzawl college leh Khawzawl HSS NSS ten thisen an pe. National voluntary blood donation day hi Aizawlah ch- uan MSACS leh AVBD huaihawtin vawiinah hman a ni ang.
National voluntary blood donation day-ah hian AVBD, Hnahthial huiahawt thisen pek runpuiah Christian Hospital, Serkawn-in a tula a hman turin thisen unit 25 pek a ni a, thisen petu mipa 23 leh hmeichhia 2 ab ni. Champhai district hospital-in a tula a hman turin Khawzawl college NSS-in unit 25 leh Khawzawl HSS NSS-in unit 24 an an pe bawk.
Inrinni vek khan KTP, Laipuitlang bra- nch-in Synod Hospital-in a tula a hman turin thisen unit 54 an pe a, thisen petu mipa 39 leh hmeichhia 15 an ni. KTP, Model Veng bra- nch member mipa 28 leh hmeichhia 2 te pawhin ZMC, Falkawn-in a tula a hman turin thisen unit 30 an pe.
KTP, Chhiahtlang Kâwnveng bial-in Serchhip district dospital-in a tula a hman turin Inrinni vek khan thisen unit 27 an pe a, thisen petu hmeichhia 14 leh mipa 13 an ni. PYD, Siaha bial member mipa 15 leh hmeichhia 1 te pawhin Siaha district hospital-in a tula a hman turin unit 16 an pe a. Jorhat Mizo welfare-in Greater Lion blood bank, Jorhat-ah Inrinni vek khan thisen unit 16 an pe bawk.