Barcelona striker Robert Lewandowski chuan a club thar tan a hna ngai a chhunzawm a, an mamawh goal khungin Barcelona in 1-0 in Mallorca an hneh.
Inrinni zana Visit Mallorca Estadi a inkhelah mualneitu lam an kheltha hle a. Barcelona goalkeeper Marc-Andre ter Stegen kheltha lo se hnehna chang thei an ni.
German goalkeeper hian Jaume Costa, Antonio Sanchez leh Lee Kang-In te goal khung tur a dansak vek.
Lehlamah Barcelona erawhin team tha te tihdan thin angin an khelhthat loh ni ah pawh an huntha neih an hmang tangkai a. Chance mumal tak an neih chhun atangin goal an khung.
Polish striker hian minute 20-naah rang taka penalty area chhungah ball lalutin defender pakhat a bum hnuah goal a khung.
Barcelona coach Xavi chuan inkhel zawhah, “Zaninah Ter Stegen leh Lewandowski vang chauha chak kan ni tia sawi chu a dik bik lo, team angin thil tam tak kan ni. Mahse zanin a kan danglamna chu anni pahnih hi an ni tih a chiang.”
“Marc hi tunhnaiah a che ropui thei hle a, a chetthatlai a ni. Robert hi goal khungtu world class a ni a, khawvela striker tha ber a ni hial ang.” tiin an chak hnuah a sawi.