Premier League hmahruaitu Arsenal in midangte chunga an dinhmun an sawh nghet a. North London derby-ah an hmelma Tottenham Hotspur lakah 3-1 in hnehna an chang.
Inrinni tlaiah Emirates Stadium-ah Gunners in an mikhualte lakah chungnung zawk chan an chang tluan a. Spurs in second half-ah Emerson Royal red card avanga an chan hma pawhin an ngam lo zawk.
Gunners in minute 20-naah Thomas Partey goal mawi hmangin hma an hruai a. Minute 31-naah penalty atangin Harry Kane-a’n chhangletin beiseina an nei. England striker hian North London derby vawi 18 a khelh atanga a goal 14-na a ni a, ani aia khung hnem an awm lo.
Mahse Arsenal dan theih an ni lo. Spurs keeper Hugo Lloris tihsual atangin Gabriel Jesus-a’n goal a khung hnuah Granit Xhaka chuan an goal thumna na khung.
Arsenal manager Mikel Arteta chuan, “Kan player-ten chak duhna leh inngaihtlawmna an nei a, hlawhtlin duhin tamna dik an nei tih a hmuh theih. Hei hi ka chakna lian tak a ni.” tiin inkhel zawhah a sawi.
Inrinni zan inkhel dangah manager thar hnuaia an league inkhel hmasa berah Chelsea an chak a. 2-1 in Crystal Palace an hneh.
Selhurst Park-ah Eagles in Odsonne Edouard hmangin goal an khung hma a, beiseina sang tak nen bul an tan. Mahse Chelsea tan Pierre-Emerick Aubameyang chuan a goal hmasa ber a khung a. Second half tawp dawnah Crystal Palce in loan a an hawh thin, an hnena inchher hriam midfielder Gallagher-a’n Chelsea chakna goal mawi a khung.