London-a piang, Indopui II-naa thlawhna khalhtu chu indonaa a thih atanga kum 78 zet hnuah, Inrinni khan phum a ni ve ta.
Flt Sgt William Robert Stephen Hurrell-a hi East Ham chhuak niin a thlawhna, RAF Typhoon chu Arnhem chungah September, 1944 khan hmelmain an kah thlak avangin a thi a ni.
Kum 2019 khan Dutch thuneituten Eefde, Lochem, Netherlands bula a tlakna lai lo an hai hnuah a ruhrote an hai chhuak a ni.
Netherlands-a Jonkerbos War Cemetery-ah phum a ni.
Arnhem khawpui hmar lama thlawhna paruka an thlawk chhuak chu hmelma indo thlawhna 60 vel zetin nangchingin an kap thla a ni.
A vuina hunah hian Australia atangin Flt Sgt Hurrell-a chhungte hi an tel a, RAF aiawh, Netherlands-a British Embassy mi leh sa leh Lochem khawpuia mi langsarte an tel.
A unau tute zinga mi, Brydie Hurrell chuan, “Bill-a hi indo tawp dawn lamah kah thlak a ni tih kan sawi thin a, a nu leh pate pawhin a ruang an hmu lo va. Netherlands-ah a ni tih erawh kan hria a, a lai tak kan hre lo.
“Zawn hna thawha hmuh a ni tih kan hriat khan kan lawm a, kan chhungkua chuan thlamuanga a chawl tawh tur hi kan lawm.
“Bill-a nu leh pa, a unaupa leh ka pu ngei pawhin khawiah nge a awm tih hre lovin an kalsan tawh a; mahse, tunah erawh hriat niin kan lawm em em a ni,” a ti.
Ministry of Defence-a mi, Tracey Bowers chuan, “Flt Sgt William Hurrell-a puala hetiang hun buatsaih a ni leh Lochem khawtlangin min puihnaah kan lawm hle a ni.
“A hun tawpah a sipaipuite kiangah dingin a thisen zawm a chhungte nen kan awm ho thei hi ka inchhuang hle a ni,” a ti.
March 29, 1943-a Downham Market, Norfolk atanga Berlin khawpui bei tura an pawl an chhuah hnuah khan ‘missing believed killed’ tia sawi zui a ni.
An tlakna lai hi Lake Markermeer niin kum 2020 khan a ruang hi hai chhuah a ni.