Aizawl : ZPM thalaiin Mizoram hmun hrang hrangah Dengue vanga damlo an tam chhoh zel laiin Dengue leng mek chhut chahna tura hmalakna liantham sorkar atangin a la awm lo nia sawiin, hriatthiam har an tih thu an sawi.
“Dengue leng mek avangin mi tam takin an kai a, mangang takin mipui an awm mek” ZPM thalai chuan an ti a. He natna hri leng mek tihtawp a nih thuai theihna tura Mizoram hmun hrang hranga Thosi kah runpui nei thuai turin Mizoram sorkâr an ngen.
ZPM thalai chuan PHC leh Health sub-centre te chu thawktu leh damdawi hmanga thuam changtlung deuh deuh turin sorkar chu an ngen tih an sawi bawk.