Kum 30 hnaih tawh BTS member te sipaia tan leh tan loh tur chungchangah chu kumin kumtawp hian sorkar lamin thutlukna a siam dawn ta.
Ministry of Culture, Sports and Tourism (MCST) Minister Park Bo Kyun chuan October 5 khan BTS member te’n military service an zawm leh zawm loh tura inhnialna leh thu inchuhna nasa tak awm mek chu December thla khian thutlukna siama chin fel a nih tur thu a sawi.
BTS member zinga upa ber Jin hi 1992 a piang niin, kuminah kum 30 a tling ta chiah a. 2020 Military Service Act (Amendment)-ah chuan sipaia a tan ngei ngei a ngai. Amaherawhchu, he dan hi kalpui chhunzawm a nih dawn chuan BTS hian an pumpelh thei tho bawk. Kawng lehlamah chuan, exemption siam lo ni ta ang se, kumtharah Jin hi sipaia a luh a ngai.
Member dang- RM, Suga leh J-Hope te hian kum 30 an hnaih tan tawh a, an ni pawh sipaia sengluh ve theih tur tho an ni ang.
Koream mipa, kum 18-28 inkar te chu thla 20 tal sipaia tang tura phut leh beisei vek an ni a, dan tharah hi chuan BTS member te hi ngaihhnathiam theih tho an ni a. Amendment thar ang hi chuan Korean ministry lamin an recommend phawt chuan kum 30 an nih thlengin sipaia tan loh theih dan emaw sawnhlat theih an ni thung.