An awmhran hnu ah pawh thu leh hla an ngah dun zel a, Angelina Jolie chuan Brad Pitt chu private thlawhnaa an chuan laiin tharum hmangin a bei, tiin thu thar ber a vawrhchhuak.
Jolie chuan a pasal hlui hian 2016 khan chhungkuaa an zinnaah rui chunga kut thlakin a fate pawh a zuah lo, tiin court paper-ah a ziak.
France rama winery hmun pakhat, intawma an lei hnu-ah inhriatpuina tel lova zawrh chungchangah Jolie a lungawi thei lova, inthenna thubuai kal mekah private thlawhnaah hian Pitt hian a lû ah na taka thamin, a fa te pahnih pawh kut a thlak, a ti.
France atanga Los Angeles an pan lai hian Pitt vek hian tawngkam mawi lo tak taka a ankhum bakah amah leh a fate chu Zu in a leih bawk, a ti.
Hetih lai hian Pitt chuan a sawichhiatna leh puhna zawng zawng hi nasa takin a hnar fithla thung.