Mizo Zaimi Inzawmkhawm (MZI)-in tunkar Nilaini zan khan Lawipu veng, Aizawl-ah branch thar an hawng a. MZI, Lawipu branch thar hi MZI General headquarters Vice President Lalengmawia’n a hawng a ni.
MZI, Lawipu branch thar hawnna inkhawmah hian MZI general headquarters hruaitu thahnem tak an tel a. MZI branch thar lawmna concert-a chhunzawm niin, Lawipui veng thalai bakah, naupang atanga nu leh pa thlengin kalkhawm an thahnem hle.
Lawipu veng MZI branch thar lawmna concert-ah hian zaithiam lar tak tak te leh Lawipu veng mi zaithiam tak tak ten kalkhawm mipuite zaiin an awi a ni.
MZI hian nizan khan Tanhril-ah branch thar an hawng bawk a, MZI, Tanhril branch hi MZI General headquarters President David Z Hmar-in a hawng thung.