Directorate of Revenue Intelligence (DRI) chuan Mumbai thlawhna tumhmunah heroin kg 16 zet, Rs. Vaibelchhe 100 chuang man an man a, passenger pakhat leh Ghana lam mi hmeichhe pakhat man an ni bawk tih Ningani khan thuneituten an sawi.
Ghanaian hmeichhia hi Delhi-a khualbuk pakhatah DRI-in an thil man an chhui zuina atangin an man a ni.
Mumbai unit DRI chuan Thawhlehni khan Chhatrapati Shivaji Maharaj International Airport-ah hian Malawi atanga Qatar tlawh hmasaa zin lutin ruihhlo a keng tih thu an dawn chu bawhzuiin an lo man ta a ni.
“Man ngei tumin DRI officer-te chu surveillance leh tracking team an insiam a, tumhmunah hian rinhlelhawm passenger an hmu ta a ni,” an ti.
A bungrua an hainaah DRI officer-te hian heroin kg 16 zet an hai chhuak a ni.
Rs. Vaibelchhe 100 chuang man zet a ni a, DRI custody-ah a kengtu hi dah nghal a ni.