Mexico khawthlang lama khaw tereu tê-ah mi sualten mayor an that a, mi dang 17 an that bawk niin thuneituten an sawi.
Police chuan silai keng mi sualte hian Nilaini chawhnu dar 2:00 (India sanaa India-a Ningani zing dar 12:30)-ah San Miguel Totolapan town hall luhchilhin hetiang hian an che niin an sawi a. Hall bang vela silaimu luhna kua pawh social media-ah thehdarh a ni.
Mayor Conrado Mendoza Almeda-a hi left-wing PRD party niin ‘dawizep taka chete that’ a nih thu leh a tan dikna hlehchhuahsak phutna pawh tar lan a ni.
A titute hi Los Tequileros gang nia puh an ni a, anni hi drug cartel thiltithei tak nena inzawmna neia ngaih an ni.
Police officer leh council worker te pawh thah an ni a, social media-ah hall chhunga thisen luang zeih zuihte pawh tihlan a ni.
Mendoza Almeda-a pa, Juan Mendoza Acosta pawh mayor thin tho niin ani pawh town hall-a an chet hma hian a inah mi sualte hian an thah.
San Miguel Totolapan khaw awmna, Guerrero state-a kawngpuite chu venhim hna thawktuten lirthei luh an remti rih lo va, an dang nghal.