Aizawl : Mizoram Ex-Service Leaque (MESL) Sub-Headquarters, Champhai-in nimin khan an kum 60 tlin an lawm a. Champhai Bawrhsap, Zila Sainik Board Chairman ni bawk James Lalrinchhana’n telpuiin, Diamond Jubilee lungphun a hawng a, lawmpuina Rs. 5,000 leh Silpaulin a pe a. DUDO & DTO Champhai R. Lalnunkimi’n Diamond Jubilee Souvenir a tlangzarh thung.
Champhai Bawrhsap chuan Jai Jawan stall siam mek a ni leh mipui tana chhawr tangkai theih a ni tur chu lawmawm a tih thu sawiin, MESL sub-hqrs, Champhai Pisa tur pawh theihtawpa buaipui mek a nih thu a sawi a. Sipai pension ten mipui leh force inkara palai hna an thawk thin leh boruak muanawm siam kawnga an penchhuah thinnaah lawmthu a hrilh bawk.
MESL Sub-Hqrs Champhai hian chawhnu lamah pawh Diamond Jubilee lawmna chu chhunzawmin, tlaiah ruai an kilho nghal. MESL Sub-Hqrs Champhai hi October ni 6, 1960-ah Champhai Ex-Service Association tia din niin, kum 2020 khan kum 60 tling tawh mahse, hri leng vangin Diamond Jubilee chu an lawm tlai ta deuh a ni.