Spanish club Sevilla chuan an manager thar atan Jorge Sampaoli an lalut a. A tum hnih nan an club a enkawl dawn.
Argentine coach hian kum 2016-17 season khan Sevilla hi a lo enkawl tawh a, tunah hian nimin zinga Julen Lopetegui an ban hnuah kum 2024 June thleng contract a ziak.
Kum 62 mi Sampaoli hian Sevilla a enkawl kum hian palina a nihpui a. Argentina nationla team enkawl turin club a chhuahsan zui.
July thla khan French club Olympique Marseille a chhuahsan hnuah club enkawl a la nei leh lova. Spain-ah hian a hna a awlsam dawn lo hle.
La Liga-ah a club thar hi 17-na an ni mek a, point 21 hmuh theih atangin point 5 chiah an la hmu.
A thlak tak Julen Lopetegui hnuaiah tun season match 10 atangin vawi khat chiah chak an la nei a. Spanish coach hian kum 2019 khan Sevilla hi a enkawl a. A zawna season thumna atan Andalusian club hi Champions League khelhpui thei mahse tun season bul a tanpui danin beisei a pha lo.
Hetihlai hian hmun thenkhatah erawh Sevilla fans ten an club board chu an dem ve thung.