‘Praise on Solo Competition 2022’ a buatsaiha elimination round result chu nizan khan Synfo Studio, Synod Office-ah puan a ni a, second round-ah mi 159 an intihsiak dawn.
‘Praise on Solo Competition 2022’-a tel tur hian mi 424 in form theh lutin, elimination round-ah mi 379 an in lan a, an zing atang hian mi 159 te chu second round intihsiak hmachhawn turin an tling.
Second round hi October ni 12-13,2022 chhunah Mission Veng Presbyterian Kohhran hall-ah neih a ni anga, intihsiakna ah hian Guitar leh Keyboard emaw duh zawk zawk hman theih a ni ang a, second round-a tling mi 159 atangin a ti tha zual mi 50 thlan chhuah leh an ni anga,top 20 thlan leh ani anga, chung atanga atha zual top Ten ten November ni 8 leh ni 17-ah Final round neih tur ani a, November ni 18,2022-ah result puan leh lawmman semna neih ani ang.
‘Praise On’ hi Synfo leh Central Kristian Thalai Pawl-in Branch KTP malzai intihsiakna hlut hlawh tak a ni.