Sorkar laipui hnuaia tribal affairs ministry chuan nimin khan Mizoram tana post matric tribal scholarship release-na order a pek chhuah chu nimin khan a rawn thleng a. Scholarship tuna pekchhuah zat belhkhawm hi Rs. nuai 2,590.31485 a ni.
Higher & technical Education Minister Dr R Lalthangliana’n tun hnaia New Delhi a zin tumin, Mizoram tana tribal shcolarship pek chhuah a nih thuai theih nan thuneitute dawra a nawr hnuah, October 4, 2022 khan S.F. Bachagundi, Joint Director, Ministry of Tribal Affairs, Government of India, New Delhi-in release-na order a tihchhuah chu Zirtawpni hian a rawn thleng a ni.
He tribal scholarship Mizoram tana central-in a pek chhuah hi nikum 2021-22 atan third instalment Rs.nuai 794.84030 leh kumin kum kal lai, 2022-23 atan central share atangin 50%, Rs.nuai 1,823.89455, a vaiin Rs. nuai 2,590.31485 release a ni.
Hei bakah hian health minister hian tun hnaiah Mizoram State Health Care Scheme hnuaia bill tang Rs. vbc 4 zet release a nih hnuah Chief Minister Zoramthanga remtihnain nimin khan SEDP fund atangin department lamin Rs. vbc.20 zet pek chhuah leh mai theih tura phalna tihfel mek a ni bawk.