Aizawl : Ruihhlo do kawnga Aizawl district level task force chu nimin khan an Chairman, Aizawl Bawrhsap Dr Lalhriatzuali Ralte hovin an thukhawm a. state level core committee-in district level committee te hmalak dan tur a ruahmante an sawiho.
Hmalakna tur ruahman zingah Aizawl district chhunga zirna in hrang hranga ruihhlo that loh zia inzirtirna kalpuite, ruihhlo ngaite enkawlna home hrang hrang tlawh te, Home leh centre hrang hrangte nena hmalakho te, ruihhlo do kawnga hmalaknaah village/local level task force dinte pawh a tel a. Aizawl district level task force chuan hengah te hian hmalak dan tur ruahmanna siam tur an inruat a ni.