Aizawl : Kumin June – September chhungin Lunglei district disaster management authority-in fur ruahtuiin khawkar kawng a tihchhiat thenfaina tur khaw 17 hnenah Rs 4,81,800 a sem a. Khuarel chhiatna avanga in chhia neitu chhungkaw 11 hnenah Rs 4,31,100 a pe bawk.
Lunglei district disaster management authority thutkhawm nimina neiha tarlan a nih danin, kumin June – September chhung vek khan khuarel chhiatna avanga huan leh thlai chhia chhungkaw 11 hnenah Rs 1,97,280 pek chhuah a ni a, silpaulin – a lian bundle 33 leh a te bundle 41 lei nan Rs 5,34,840 an hmang. COVID19 zangnadawmna pawh chhungkaw 2 hnenah Rs 1,00,000 pek a ni a. Kumin June – September chhunga Lunglei dist disaster management authority-in sum a pek chhuah zawng zawng hi Rs 17,45,020 a ni.