Champhai North bialtu MLA Dr. ZR Thiamsanga’n nimin khan Hnahlan PHC leh Hnahlan khaw chawmtu nizung chakna hmanga tuilakna, Hnahlan Water supply scheme (solar pumping) te a tlawh a. Hnahlan PHC-a solar energy station hman theih- loha awm mek chu siam- that dan kawng mithiamte nena thawkduna ngaihtuah a nih thu a sawi.
Hnahlan PHC a tlawh hnuah Hnahlan khaw chawmtu Kurung lui atanga tuilakna Hnahlan water supply scheme (solar pumping) a tlawh leh a. Hnahlan WSS (solar pumping) siam hna hi ?huang thuma thawh niin, NABARD RIDF-XXIV sum Rs. nuai 1065.57 senga siam a ni a. JJM sum Rs. nuai 262.31 hmangin in tina tui connection pek hna kalpui niin, sump reservior tihlen hna leh tuldangte pawh thawh mek a nih thu sorkar thuchhuahin a tarlang bawk.
Champhai North bialtu MLA hi PHE department atangin SDO Vanlalmuanawma leh JE H. Vanlalmawia te bakah Solar Engineer, NIELIT Kamminthang ten an tawiawm a ni.