Rajasthan Chief Minister Ashok Gehlot chuan BJP chu khawvela political party hausa ber an nih thu leh sum vânna an hre ve lo niin a sawi.
“Pawisa an tithi a, industrialist-te vau betin tunah hian electoral bond an kalpui leh ta a. Supreme Court hian a khap kan beisei a; mahse, an ti si lo. Bond hi Rs. vaibelchhe 100 a nih chuan anni hian Ts. vaibelchhe 95 an chang a, a bâng Rs. vaibelchhe 5 chu Congress, CPI, CPM, BSP ten an insem ve chauh thin. Intluktlanna a awm lohvin engtin nge mipui rorelna hi a chak theih ang?” tiin an state-a Sujangarh (Churu) bial by-election neih tura an party candidate, Manoj Meghwal tana nimina a campaign-naah a sawi.
Congress candidate pathum – Sahara (Bhilwara) atangin Meghwal leh Gayatri Trivedi leh Rajsamand (Udaipur) biala Tansukh Bohra te chuan nimin khan inthlan chuh turin an hming an pe lut.
Congress hruaitu – Gehlot, General Secretary Ajay Maken, state PCC chief Govind Singh leh deputy chief minister, Sachin Pilot te chu chopper-a kalin an tawiawm a, vantlang inkhawmah hun an hmang.