Malawi rama kumin chhunga tuihri avanga thi mi 183 zet an tling tawh a, October thla tir khan mi 110 niin thla liam taah thi an tam hle tih an ram health ministry chuan Thawhtanni khan a puang.
Tuihri inkai darh chak dan hi a sang hle a, March thlaa a darh atangin mi 6,056 zet an kai tawh tih ministry thuchhuahah tar lan a ni.
Tuihri hi kawthalo chi khat a ni deuh ber a, thil thianghlim tawk lo leh tui thianghlim lo ei leh in atanga kai a ni deuh ber a, chenna hmun tawp avanga thleng a ni deuh ber.
Malawi-a health ministry chuan khawtlanga chaw ei tur thianghlim tawk lo, tui in tur thianghlim tam tawk lo leh inthiarna mumal lo chu he hri an tawrh nat chhan ber a nih thu a sawi.
Health Minister Khumbize Chiponda chuan hri kai zinga thenkhat chuan sakhuana thil avangin enkawl an duh lo thin niin a sawi a, damdawi in pan tam takte pawh an thlen meuh chuan enkawl nan a tlai tawh thin niina sawi.
Sakhua leh rin dan hrang neite chu an mite hnenah damdawi in leh mi thiamte pan nachang hre tura zirtir tura chahin, tul miah lova nunna chân thin chu veng turin a ngen a ni.