China-ah hian sorkarin mipuite a thunun hneh avangin tun anga zero-Covid police an kalpui sawisela sorkar leh President Xi-a beih chiam chiamna ang hi a thleng ngai lo hle a, tunah erawh inkhuahkhirhna ning tawngkhawng tawhte an che nasa tawlh tawlh.
Zero-Covid strategy hi khawvel ram changkang leh economy lian zinga la hmang awmchhun an ni mek a. China-ah hian invenna la an la tam lo va, kum upa lamte himna turin pek an nei tlem hle bawk.
Khawpui lian tak tak an kharkhip thin avangin mi tam tak an thinrim tawh a. Inkharkhip kalpui lem lohna hmunah pawh inkhuahkhirhna khauh lutuk an la kalpui tho avangin Zhengzhou atanga Guangzhou thlengin, duh lohna lantirna a nasa tawh hle.
Inkhuahkhirhna khalh tak an kalpui chung rengin China-ah hian kar liam ta chhung khan hripui a len hnua ni khata thi an tam ber tum an tawng thar bawk.