Cameroon khawpuia mitthi vui lai lei minin a hnawlnaah mi 14 vel an thi niin regional chuan a sawi a, chin hriat loh an la tam avangin chhanchhuah hna thawktuten an la zawng zel tih a sawi bawk.
Chhiatna hi Pathiannia Yaounde khawpuia football khelmuala thleng niin a chhak metre 20 vela sang lei a tawlh a ni.
Thil thleng hmutute chuan mi thahnem tak awm khawm chu lei hian a vur niin Reuters news agency an hrilh.
“A hmunah hian ruang 10 kan hmu a, kan thlen hmain ruang pali an lo la chhuak hman bawk,” tiin Yaounde pawh huama Centre region Governor Paul Bea chuan a sawi
“Hliam tuar tam tak damdawi in hrang hrangah dah an ni bawk,” a ti.
Governor chuan lei minna hmun hi ‘hmun hlauhawm tak’ tiin a sawi a, mipuite pawh Yaounde khawchhak lam dai, Damas district-ah hian khawsa tam lo turin a ngen.
Dam chhuak zinga mi, kum 50 mi, Marie Claire Mendouga chuan, “Kan lâm tan chiah a, lei chu a chim ta mai a ni,” tiin AFP news agency hnenah a sawi.
A kutin nasa takin leiin a vur atangin a inhai tih a sawi a, miin an pawt chhuak zui ta niin a insawi a. AFP-in an kawm lai pawh hian lei la kai nuanin a awm.
Cameroon-ah hian lei min a tam hrim hrim a; mahse, Pathiannia Yaounde-a thleng anga liantham hi chu a tam lem lo.
Kum 2019 khan khawthlang lama Bafoussam khawpuiah ruah nasa taka a sur avangin lei a min chiam a, mi 43 an thi a, tlang awiha in sang eng emaw zat a chhe bawk.