Brazilian model Arthur O Urso hian a duhthu ngeiin nupui pakua a nei mek a, tunah erawh an zing pakhat chu then a tum. A nupui pakhat zawk thutlukna chuan a tibeidawng hle.
Jam Press in a kawmnaah a nupui hmasa ber Luana Kazaki a nieh hnu hin midang pariat hi a nei chhunzawm nghal mai a, heti anga nupui pakhat aia tam a neih chhan chu hmangaihna zalen tak chen a, nupui/pasal pakhat chauh neih tirna a dodal vang, a ti.
Tunah erawh kum hnih a neih tawh a nupui pakhat Agatha laka thenna biahthu a hla ta a, a nupui duhdan leh thlutukna chuan a rilru a ti na ngawih ngawih. “Agatha hian keimah chauh hi min pumbilh tlat a duh a, hei hian awmzia a nei si lo. Kan in sem tawn a ngai. Inthenna vang hian pawi ka ti hle a, Agatha chhuanlam hian min barakhaih lehzual,” a ti.
Arthur chuan a ruala nupui sawm (10) tal neih a tum ruh hle. “Duhthusam ka nei a, nupui sawm ngei neih hi a ni deuh tawp. Fanu pakhat chiah ka nei thung a, duhdan chuan nupui zawng zawngte hian fa min hrinsak vek se, tih hi a ni. Hmangaih bik leh duh bik ka nei hauh lova, an laka ka hmangaihna hi a inchen vek a ni. Mi pahnih khat hnen atang chauha fa neih hi ka tan chuan a dik famkim thei lo,” a ti bawk.