BJP Mizoram chuan Ayushman Bharat, PM Health-care Scheme kaltlanga Mizoram mipui a dawng theiten an dawn theihna tur a tanpuina dawhkan (helpdesk) an siam chu nimin khan an khar.
Kharna inkhawmah thu sawiin BJP State General Secretary Malsawmtluanga chuan, PM Health-care (Ayushman Bharat) hi Mizoram mipui tam zawkin an hriatfiah loh avang leh an hriat thiam loh avangin a mamawhtu tam zawkin an chhawr theihna tura theihtawp chhuaha BJP Mizoram-in hma an la niin a sawi a. Hetianga hma an lakna zarah Mizoram sorkarin hma lain, veng hrang hranga golden card a thleng chu lawmawm a tih a thu a sawi.
Malsawmtluanga hian Helpdesk khar ni tawh mah se, mipui mamawhtu te tan BJP an awm reng tih a sawi a. “PM Health-care-ah emaw, PM scheme dangah pawh hriatthiam loh leh hriatfiah duh nei kan awm chuan BJP State Headquarters chu a inhawng reng a ni,” a ti.