Mipa naupang kum li mi thihna chhui chhuah ngei phutin Manipur-a Thoubal district-ah chuan mipui leh zirlaite an che chhuak.
Thawhtanni khan zirlaite chuan mipa naupang, rinhlelhawm taka dila a ruang chhar chu a thih dan chhui chhuah ngei an phut tih an sawi.
Naupang hi January 19 atanga a chin hriat loh tawh a ni a, Moijing khuaa an chenna in atanga metre 100 vel chauhva hla dilah January 24 khan a ruang hi hmuh a ni.
A chhungte chuan naupang hi ruk bova thah zui a nih an ring.
He tualthihna kaihhnawiha din joint action committee (JAC)-in an rawn angin a ruang hi a chhungte chuan Imphal-a RIMS-ah an la dah a. A thih chhan chhui chhuah a nih hma chuan a ruang hlawm an duh lo.
JAC-in an phut angin Thoubal district-a hmun hrang hranga zirna inah he thil thleng duh lohna hi lantir a ni a. A titu chhui chhuah leh hremna pek an phut.