Zika virus hi thosi chi khat, dengue leh chikungunya pawh keng tel thei, Aedes an tihin a put darh a ni.
A veite hi an khua a sik a, an taksa a na thum a, an mit a vai a, an ruhchuktuah a ni a, tha a na thei a, an lu a na thin bawk.
World Health Organization (WHO) chuan a kai tam zawk hian natna lang chhuak an nei lem lo niin an sawi a, a lang chhuakte hi ni hnih atanga ni nga vel a ni ber tih an sawi bawk.
Zika virus kai an awm leh tak avang hian damdawi thiamte chuan an ngaihven hle a. A vei awm tawhna hi Covid-19-in a nuai nat ve ve, Maharashtra leh Kerala a ni.
Delhi-a Maulana Azad Medical College Director Dr Naresh Gupta chuan Zika virus hi coronavirus ang deuh bawkin a chi (variant) hrang a awm theih thu a sawi a, thuneitute pawh endik tihtama indah hran kalpui turin a ti.
“Zika hi hri tha lo tak a ni a, tual chhungah a darh thei a. Khawiah emaw a kai an lo awm a nih chuan ngaihven hle a ngai nghal a ni,” a ti.