Mizoram Football Association chuan Mizoram Premier League Season 9 Final-ah Mizoram aiawha khel tawh footballer zawng zawng en turin a sawm a, MFA Office-ah card lam tur a ni.
MFA aiawha state team-a khel tawh, mipa leh hmeichhe team sub junior, junior leh senior-a inlan tawh zawng zawng tán MPL enna tur card hi MFA Office-ah December 2, December 5 & 6-ah office hun chhungin a lam theih ang.
Mahni kal remchang lo tan a lam turin midang tirh theih a ni.
MFA chuan state aiawha khel tawh player-te a ngai hlu a, a mal mala sawmna sem chhuah a remchan loh avangin mahnia MFA Office lama ngaihven mai turin a ngen.
MPL Final hi December 6-ah FC Venghnuai leh Chawnpui FC-te’n Rajiv Gandhi Stadium-ah an khel dâwn a. All India Football Federation President Kalyan Chaubey chu khuallian a ni dawn.
Zan dár 6:30 atangin entertainment program hman a ni ang a, dár 7:30-ah final function tan a ni ang.