South Korea in huntawp dawnah Hwang Hee-chan hmangin goal an khung a. He goal hi hnehna an channa mai a ni lova, World Cup round of 16 an luhna ni zuiin Portugal 2-1 in an hneh.
Zirtawpni zana Education City Stadium a inkhelah minute 91-naah Son Heung-min ball siamsak chu Hwang-a’n lalutin counter-attack rang tak atangin goal a khung a. Mipui lawm thawm a ring.
South Korea hian he inkhelah hian chak ngei an mamawh a, an chak chung pawhin an tling dawn tih a la chiang nghal lo.
Group H inkhel lehlamah Uruguay in chak mahse goal hnih aia tam an khung a ngai a. Goal khat dang an khung belh theih loh avangin an chak atanga minute tam lo an nghah leh hnuah South Korea an lawm.
Paulo Bento pawlte hian minute 5-naah goal an chhuah nghal a. Portugal in team siksawi thenin right-back Diogo Dalot siamsak atangin Ricardo Horta chuan goal a khung a. Vitinha nen Portugal tan goal khungtu an tal na.
South Korea in Kim Jin-su goal khung an pawmsak loh hnuah first half-ah an si phurh an sut ta thova. Corner atanga Cristiano Ronaldo ball dan per chu Kim Young-gwon chuan goal-ah a khung a ni.
Uruguay tan a na
Group H inkhel lehlamah kum 35 mi ni tawh, kum 12 kalta a an inkhelh tuma sawihlawh taka che Luis Suarez-a’n an ram chu a chakpui a. Mahse a tlinpui zo lo.
Suarez hi Uruguay in 2-0 a hnehna an channa kawngah a pawimawh hle a. Minute 26-na leh 32-na a Giorgio de Arrascaeta goal khung turah mawhphurtu a ni.
Mahse goal difference-ah Asia team an pha lova. A tawpah an lawm lo hle.
Uruguay hian inkhel enkawltu referee leh assistant ten Darwin Nunez penalty an pek loh avangin inkhel zawhah an bawr buai nghal a. Assistant referee laka an che a mawi lo chuan sawi zui a hlawh hle bawk.