Mizoram Football Association leh Reliance Foundation te chuan Reliance Foundation Young Champs Naupang League chu November 19 atang khan Mizoram ah an kalpui tan.
He league-ah hian a bul tan nan Aizawl leh Champhai ah te mipa leh hmeichhe naupang 1300 chuangin phur takin football an khel.
RFYC Naupang League hi naupangten football inelna boruak tha hnuaia inzir chunga inkhelhna hun an neih theihna tura duan a ni a. Kum nga mi thlenga tel theihna niin India rama grassroots football atana talent zawnna tura ruahman a ni.
Tun dinhmunah Mizoramah district pali ah kalpui a ni a. Lunglei leh Kolasib-ah te MFA leh District FA ten league hi an kalpui a. Aizawl leh Champhai-ah Reliance Foundation Young Champs in an kalpui thung.
Inelna hi Under-5 atanga tan niin Under-13 thleng a awm a. November atanga June daih tura duan niin he league a tel naupang hian kalpui a nih chhungin match 30 tal a khelhna tura duan a ni.