India in Bangladesh lakah hnehna an chang zo lova. Run siam hnem lohna inkhelah an khingpuite hian wicket hnuhnung bera Mehidy Hasan Miraz leh Mustafizur Rahman ten run 51 an thawh dun thei chu an chakpui.
Shere Bangla National Stadium a One Day International vawi thum khel tur zin chhuak India hi vuak hmasak tir an ni a. KL Rahul chuan run 73 siamin India mualpho lutuk tur a hliahkhuh.
India hi over 41.2-ah out zovin run 186 chauh an siam a. Shakib Al Hasan leh Ebadot Hossain ten wicket nga leh wicket li an la.
Bangladesh in chak theihna hun tha tak an nei. Mahse India bowler-te an che chhe bik lova, wicket pawimawh la thei hle in Bangladesh captain Liton Das chuan run 41 siamin an team-ah a siam hnem ber.
Amaherawchu Hasan Miraz-a’n out lova 38 a siam leh Rahman-a’n run 10 a thawh chu an chak pui ta zawk a ni.