PC party President Vanlalruata’n “Mizorama electricity power siamchhuah nan Hydel project a ṭha ber” a ti a. Kawlphetha siam nan Mizoram atan solar project aiin Hydel project chu a hlawk zawk niin a sawi.
Vanlalruata chuan Mizorama solar leh hydro power project tihpuitlin tawh te dinhmun zirchianin solar aiin hydro power siam chu Mizoram tan a remchang zawkin a ṭha zawk niin a sawi a. “Hydel project hmun hung a ngaih loh laiin Solar project chu hung a ngai a, Hydel project chhungah kawng siam a ngaih loh laiin Solar project lian siam dawn chuan a chhungah kawng siam a ngai dawn” a ti.
Solar project-ah a project chhunga thlunzawmna tur wire a ngaih laiin hydel-ah chuan a ngaih loh avangin Hydel project aiin solar project a hautak zawk niin Vanlalruata chuan a sawi a. “Hydel project kalpuia hlawkna dang awm thei inkalpawhna leh bungraw thiarna remchangte, tui lak tur te, sangha leh lui sa dang pung tur te leh mihring tana ṭangkai thei tur hrang hrangte solar-ah chuan a awm ve lo” a ti bawk.