Dallas Mavericks in a zawna game 10 chhung regular season a an hneh theih miah loh Phoenix Suns chu an hneh thei ta a. Thawhlehni zingah 130-111 in an chak.
Mavericks leh Suns hi season liamta a Western Conference semi-finals ah an intawng a. Hemi tum hian game 7 khelh ngaiin Mavericks an chak zawk.
Tun tumah an star player Luka Doncic bawk an chakna a ni a. Point 33 a score. Spencer Dinwiddie chuan 21 thawhin a thlawp a. Mavericks hian first quarter-ah hneh taka hma hruaiin point 20 a san zawk lai te an nei.
A bakah buai zui lovin Suns in pawhthlak lam an hnaih thei lo. Quarter hnuhnung berah Doncic an hahdam tir thei zawk.
Dallas hian season bul an tan tha bik lova, tun tum hi kar thum chhunga a vawikhatna atana hnehna an chan zawnna chauh a ni.