Aizawl : Mamit Luangpawl venga cheng, kum 51 mi Rokimi leh a tupa (a fanu fa) kum 7 mi Mark Lalawmpuia te chu nimin zing dar 6 vel khan an chenna In-ah thi-a hmuh an ni a. Tualthattu nia rin Rokimi pasal, kum 36 mi Roliana, Liantea tia koh chu chanchin buatsaih lai thleng hian a awmna chin hriat a ni lo.
Mamit atanga thudawn danin Rokimi leh a tupa Mark Lalawmpuia ruang bulah hian Hreipui thisen kai hmuh a ni a, an lu-ah hreipuia chehna hnuhma nia ngaih theih a awm bawk avangin Hreipuia chehhlum ngei nia rin an ni.
Tualthahna thlen hun hi nimin zing lam dar 1 atanga dar 3 vel nia rin a ni a. Rokimi pasal Liantea chu a awm na chin hriat a nih loh avang leh an kawngka chu pawn lama a inhawlhkalh avangin Liantea chu tualthattu ngei nia rin a nih thu leh Police-in an zawn mek thu thudawnna chuan a sawi bawk.