Hero I-League season kallaiah Aizawl FC in an match rukna an khel dawn a. Vawiin chawhnu dar 2 hian NEROCA FC nen ‘NorthEast Derby’ an khel dawn.
Aizawl FC hian away match vawi hnih a zawna an hmachhawn hnuah Manipur club an mikhual dawn a. Point li hmu tawhin an chungah NEROCA hi an awm mek.
Aizawl FC assistant coach Victor Lalbiakmawia chuan, “NEROCA hi team naupang nimahse an tha a, I-League-ah pawh India hmarchhak atanga keini tih lova tel rei tawh an ni. Tualchhung player emaw foreigner an ni emaw, inkhelah chuan a inpe zawk leh chak tum zawkte bawk an chak thin. Point thum hmuh ngei tumin kan bei dawn.” tiin a thlirlawk.
NEROCA FC head coach Khogen Singh chuan goal an khung tam loh chungchang a sawi a. “Inkhelh apiangin theihtawp kan chhuah a, mahse kan player te an la naupang avangin tawnhriat kan nei tlem. Hma erawh kan sawn telh telh.” tiin a sawi.