MNF thalaiin tunhnaia Union Minister of State-in a tlawh Rs. vbc 75 senna nia sawi Zoram Mega Food Park chu Congress sorkar laia din a nih thu sawiin, “insawifiah tur an awm chuan Congress Lal chhungkua leh an khawnbawl te insawifiah rawh se’ an ti.
MNF thalai chuan tunlaia sawihlawh tak, Rs vbc 75 senna nia sawi Zoram Mega Fo- od Park, Khamrang, Kolosib district ami chu nimin khan an Vice President Zodinpuia hovin an tlawh a. Zoram Mega Food Park chu Congress sorkar lai kum 2013-2018 chhunga buatsaihfel vek tawh a nih avangin MNF sorkar-in inhnamhnawihna a nei lo niin an sawi.
Zoram Mega Food Park chu sorkar laipuia Food Processing Industry Ministry hnuaia PMKSY scheme atanga M/S Zoram Mega Food Park Pvt. Ltd-in a din leh enkawl a nih thu MNF thalai chuan an sawi a. “He hmun hi Congress sorkar laia lal chhungkua leh an khawnbawl upa mi tlem te in Mizoram sorkar hnuaia department the- nkhat namnul taka an pal luih atanga rawn piangchhuak a ni” an ti.
Sorkar kalphung mumal zawm lova Zoram Mega Food Park chu piang a nih avangin MNF sorkar-in mawhphurhna a neia an hriat loh thu MNF thalai chuan an sawi a. Sum pawh Central PMKSY scheme atanga M/S Zoram Mega Food Park Pvt. Ltd hnena pek a nih avangin Mizoram sorkara nodal department tura ngaihte pawhin tun thlengin engmah an hriat loh thu leh an hnathawh endik leh a hmunhma sawngbawl chungchangah te, a enkawltute dinhmun thlengin Mizoram sorkarin a hriatpui loh thu an sawi.
MNF thalai chuan Zoramthanga kaihhruai MNF sorkarin Mizoram hmasawnna tur ngaihtuaha hmalaa ram mipuite hmasawnna rotling tam tak a din laiin Congress party chuan ram tichhe zawng hlirin hman a la niin an sawi a. “A taka an hnathawh hmuh tur awm lo chunga sum tam tak siamna Zo Carbon chungchangahte, Sak- awrhmuituai tlanga Skywalk siamna tur sum tam tak tihchingpen te, Chaltlang-Durtlang inkara Ropeway siamna tur sum tam tak khawihchingpenna-ah te Congress hruaitute hming lamrik tur a awm reng mai te hi vanduaithlak kan ti takzet a ni” an ti bawk.