Aizawl : Agriculture department officer te leh State level bankers committee te chu sorkar laipuiin loneitute tana hamthatna – Agriculture loan (Credit facilities) a ruahman te Mizoram loneitu tam zawkin tangkai zawka an hman theih dan tur chungchangah an inrawnkhawm a. Agriculture department hnuaia centrally sponsored schemes hnuaia hmalakna hrang hrang te an thlirho bawk.
Inrawnkhawmna kaihhruaitu Secretary, Ag- riculture J. Hmingthanmawia’n loneitute hma- khawngaia central sorkarin Agriculture loan hrang hrang a ruahman thu leh loneitu tam zawkin heng loan te hi an hman tangkai a pawimawh thu a sawi a. Loneitu tam zawkin Agriculture loan an lak theihna turin Agriculture department-in theihtawp a chhuah tur thu a sawi.
District hrang hrang aiawh Lead district managers, AMFU leh District Agriculture officer ten an district huamchhunga Agriculture loan pekchhuah a nih dan te leh hemi chungchanga harsatna an tawh hrang hrang te an sawi a. Loneitu tam zawkin Agriculture loan an chhawr theihna tura hmalak dan tur hrang hrang an sawiho bawk a ni.