Spain manager Luis Enrique chuan World Cup round of 16 a Morocco laka an mualpho hnuah a hna a chhuahsan.
Kum 52 mi hian kum 2018 khan an ram team hi a enkawl tan a. Euro 2020 khan semi-final hruai thlengin champion Italy hmaah an tlawm. Beiseina sang tak nen kumin World Cup an thlirlaiin a hnuaiah beisei an pha lo chiang hle.
Royal Spanish Football Federation chuan, “Luis Enrique leh a coaching staff te chungah tunhnaia national team an enkawlnaah lawmthu kan sawi.”
“RFEF chuan national team coach thar atan Luis de la Fuente a thlang. Sporting director Jose Francisco Molina chuan president Luis Rubiales hnenah coach thar hi World Cup zawh atanga team enkawl a bung thar min kaipuitu ni turin a kawhhmuhah a. RFEF board of directors in Thawhtanni thleng pawmpuina hun an nei ang.” tiin an sawi.
Enrique hnuaiah hian Spain in vawi 47 inkhel hmangin vawi 26 an chak a, vawi 14 draw neiin vawi sarih an tlawm.
Kum 61 mi De la Fuente hi Spain Under-21s coach a ni a. La Liga defender thin niin Athletic Bilbao tan La Liga trophy a lo chawi tawh.