Paris Saint-Germain president Nasser al-Khelaifi chuan an forward Lionel Messi chu an club-ah a cham chhunzawm a rin hle thu a sawi a. Manchester United forward Marcus Rashford chu free transfer a lakluh a duh thu a sawi tel.
June thla hian Messi-a’n PSG a contract a neih a hmang zo dawn a. Argentina champion hi Major League Soccer team Inter Miami CF nen sawizawm nimahsela inremna engmah a la awm loh thu a darh tawh.
Kum 35 mi hian PSG a contract a neihlaiah kum khat ziah belh theihna a awm a. Sky Sports in an kawmnaah PSG hotupa chuan Parc des Princes-ah a hlim a, cham chhunzawm zel a duh tih a sawi.
“An ram tana a khel hi en ula a hlim tih a hriat theih. Player hlim lo chu an kheltha thei lo. Tun season-ah a che tha hle a, World Cup zawhah a hma hun sawiho kan remti tlang.” tiin a sawi.
Al-Khelaifi hian Manchester United a contract hmang zo tur Marcus Rashford pawh sawiin, “Kan ngaihven tih hi kan zep lo, a hma pawn kan ngaihven tawh. Mahse free agent ni se kan be nghal thei ang. A nih loh avangin kan biak dawn pawn January kan ngaihchan phawt a ngai.” a ti.