Portugal coach Fernando Santos chuan zanina an inkhel tur thlirlawka chanchinbumiten an kawmnaah Cristiano Ronaldo chungchang zawhna a hmachhawn leh nual a, hei vang hian an forward chungchang sawi chu duhtawk a hun nia a hriat thu a sawi.
Santos hi kum 37 mi chungchanga zawhna hi chhang lehin Switzerland laka a khelh tir loh dante zawh nawn a ni a. World Cup atang haw a tum nia sawi awmte pawh an zawt nawn.
Santos chuan, “National team atangin haw a duhthu hi vawikhatmah min hrilh lova, hemi chungchang hi sawi zui tawh loh a hun viau.”
“A teammate te nen warm up hunah an warm up mai a, goal kan khung apiangin an zingah a lawmnaah a tel ziah a. A tawpah pawh kan fans te chhawn tura a teammate-te sawm tur a ni.”
“Cristiano Ronaldo chungchang hi sawi reng lova, kan thlahthlam ve hi a hun tawh. Inkawmna apianga zawhna zawng zawng hi a chungchang vek a ni.” a ti.