Mizo Zaimi Inzawmkhawm (MZI) Inkhawmpuilian, Reiek Tourist Resort-a neih chu hlawhtling taka neih zawh a ni ta a, Er Lalrothanga chu President thar atan thlan a ni.
A zankhatna, December 8 khan Palai lawm inkhawmah a thlengtu Reiek bialtu MLA Lalrintluanga Sailo khuallian niin, Reiek VCP Lalrozama khualzahawm a ni.
Chhun lamah Reiek Tourist resort-a Convention Centre-ah rorelin hruaitu thar an thlang a. Rorel hlanin rorel palaia tello ten Reiek Tourist Resort-ah hun an lo hmang bawk.
Zan lamah MZI member kaltate sunna leh hruaitu hlun chawimawina inkhawm hmangin, Minister C Lalrinsanga khuallian a ni a, MZI Life member, Lalduhoma, MLA khualzahawm a ni thung.
MZI Inkhawmpuilian hi kum khat dana neih thin a ni a, nakum (2023)-ah Kolasib-in Rorel Inkhawm an thleng ang.
Kum 2022 – 2024 chhunga MZI hruaitu tur te:
President : Er Lalrothanga
Vice President : Lalengmawia
Gen. Secy : R Lalchungnunga
Asst. GS : C Rosangliani
Treasurer : Isaac Hmar
Fin. Secretary : K Lalchamliana