Elon Musk enkawlna hnuaia Twitter a tluk luh hnua milar thahnem takin soial media inpui pakhat hi an chhuahsan mek karah Elton John pawhin a bansan ta, a ti.
He platform lar tak hi thu dik lo thehdarhna hmunpui a ni chho mek a, a; bik takin thla hmasa khan Covid-19 chungchanga thu belhchian dawl lo vawrh darh hluai a nih chungchangah awm ve zelna tlakah ngai lovin Sir Elton hian nimn piah khan Twitter a bansan thu hi a puang.
“Ka hun kalta zawng zawngah khan music hmangin inpumkhatna siamna tur atan theihtawp ka lo chhuah ve tawh thin a, hetih laia thu dik lo leh belhchian dawl lo hmanga inpukhatna tichhe zawnga hmalak a ni thin hi a lungchhiatthlak hle,” tiin Elton hian a sawi.
Hetih lai hian Twitter hotupa Elon Musk chuan rang taka chhangletin, “I music hi ka ngaina em em a, i rawn kirleh thuai ka beisei. Thu dik tawk lo awm nia i hriat hi ennge ni ang aw,” a ti a ni.