Bollywood actor Sushant Singh Rajput ruang hmuhna Mumbai-a flat chu kumhnih chhung han luahtu awm lovin a ruak chhunzawm zel a, In neitu hian celebrity te luah a phal lo.
Real estate broker, Rafique Merchant chuan tunhnai mai khan thla khatah cheng nuai 5 in a luah theih niin, a tarlang a, he flat neitu NRI ni bawk chuan celebrity te luah atan a remti lova, sumdawng hausa te tan erawh a phal hle thung. Mahse, tun thleng hian luahlut erawh an la awm chuang lo.
Mi thenkhatin luah luah an hreh loh laiin, an thiantha leh chhungte’n an tuipui loh vangte pawh a ni tel bawk.
Tarlan tawh angin, Sushant Singh Rajput ruang hi June 14, 2020 khan he flat-ah hian hmuh a ni a, Mumbai Police te chuan amah intihlum ah an ngai. He flat hi December 2019 atang khan thla khatah cheng nuai 4.5 in a luah tan a, Covid-19 Lockdown chhung zawng khan a bialnu actress Rhea Chakraborty nen an khawsa dun a ni.