Aizawl: Vairengte Block MHIP hmalaknain nimin khan Vairengte khawchhung kawngpui dung thenfaina a nih rualin dan phal loh, gutkha product, Shikhar dapchhuah beihpui an thlak.
Khawpui fai intihsiakna neih mekah hmalakna leh faina leh thianghlimna kawnga hmalakna atan khaw chhung kawngpui then fai leh an hmalak mekna Shikhar dapchhuah beihpui an thlak a. Khaw hmawr, Kawngthar Veng tawp atangin bawlhhlawh chharin dawra Shikhar zuarte police-te nen an check nghal.
Shikhar hi dawrkaite hnenah zuar lo tura an lo inngen nasat tawh avangin man tur a awm mang lo a, hetihlai hian dawr thenkhat atangin tlem azawng erawh an man tho a ni.
Vairengte block MHIP-te hian Kolasib DC-in thupek a lo chhuah fo tawh angin dan phal loh Shikhar hi thahnem tak kuminah pawh man tawhin, tum hnih lai cheng nuai tam tak man hu an lo hal ral tawh a ni.