Premier League club Arsenal in season tha an hmanlai chu chhunzawm a nih leh hunah an chetthat an chhunzawm theihna turin an tlarhma tih chhah an duh a. Winger lakluh belh tumin Ukrainian international Mykhailo Mudryk chu an ngaihven.
Kum 21 mi Shakhtar Donetsk winger hi tunhnaiah Europe a player ngaihven hlawh ber zing ami a ni a. Tualchhung inelna bakah UEFA Champions League-ah a chetthat em avangin club lian zawk nen sawizawm a ni nasa.
Tun season-ah inelna hrang hrangah match 18 khel tawhin goal 10 a khung tawh a, midang goal khung tur vawi 8 a siamsak tawh.
Shakhtar director of football Dario Srna chuan an player manah hian Pound maktaduai 86 an beisei tur thu a lo sawi tawh a. Nimahsela hei aia tlawm hian indawrna kalpui a nih chu mi tam tak rindan a ni.
‘Ukrainian Neymar’ tia an sawi Mudryk hian January a insawn a hreh lova. Gunners striker Gabriel Jesus a inhliam bawk avangin kumtharah chanchin a ngah dawn niin a lang.