Aizawl FC in Hero I-League a an match sarihnaah Hyderabad club Sreenidi Deccan an hmachhawn a. Inkhel hmuhnawmah 3-3 in club pahnihte an inhnehtawk.
Mizo club in mikhual team zawk ni chungin tum hnih si an phurh hnuah an sut leh thei a. Mahse an goal venhim theih loh thin chu tuarin Sreenidi Deccan in huntawp dawnah goal sawisel theih tak an khung a. Hei hi Aizawl FC in an sut hman.
An chak teuh
Pathianni zana Deccan Arena a inkhelah Aizawl FC in NEROCA FC hnehtu team ngai an rem a. Tlarhnungah Akito Saito leh Zodingliana Ralte bawk inkawp lehin midfield-ah Lalramsanga, Lalchhanhima Sailo leh R. Lalthanmawia te an ding.
Argentine player Matias Veron tan bul tanna hmun a awm lo leh a, tlarhmaah Henry Kisekka chu K. Lalrinfela leh R. Ramdinthara ten an thlawp.
Inkhel tan tir atang ‘game’ a rang a. Goal a lut hma.
Colombian forward David Castaneda chuan ball changin goal mawi a khung nghal thuai a. Mahse hei hi minute 8-naah season tha tak hmang R. Ramdinthara’n a sut a. R. Lalthanmawia ball cross chu chiang takin a tauh lut.
Team an inhlauh loh tawn avangin inkhel a hmuhnawm a, goal khungna remchang a tam.
Lalramsanga’n crossbar a pet per hnuah Casteneda in a goal hnihna a khung teuh. Mahse Aizawl FC zawkin goal khung nawn lehin Lalrinfela siamsak atang Kisekka in goal a khung.
Halftime dawnah Casteneda chuan Sreenidi si phurh a sut ve leh a. 2-2-ah chuan team pahnihte an fimkhur tawh.
Sreenidi in minute 93-naah goal an neih belh a. Songpu Singsit chuan Shayesteh ball vawrh luh goal-ah a khung a, mahse goal luh hma in handball ni ngei a lang a awm a, ham erawh a ni lo.
Aizawl goalkeeper Vikram Lahkbir Singh in referee a hnial avangin hnawhchhuah a ni bawk a. Captain Lalchhawnkima’n goal vengin huaisen takin goal an nawr tlat thova. Tlem zawk ni chungin substitute Emmanuel Makinde chuan an si phurh sutna minute 101-naah a khung a ni.
Aizawl FC hi point 9 hmu in pasarihna an ni mek.