Cricket Association of Mizoram chuan tualchhunga naupangte inelna tur Under-16 tournament chu Thawhtanni atang khan an khel tan.
Tun tournament-ah hian team pariat telin group pahnih a then an ni a. Vawi khat theuh an inkhelh kual hnuah group a sang ber pahnihten final an khel ang.
Group A lamah Ramhlun Venglai CC, Pacers CC, Tlangnuam CC leh Vaivakawn CC te an awm a. Group B-ah Zemabawk Pitchers CC, Armed Veng CC, Durtlang CC Blue leh Sihhmui CC te an awm thung.
Tan ni a Suaka Cricket Ground a inkhelah Ramhlun Venglai CC in run 110 in Pacers CC an hneh nghal a. Austin Lalvenpuia chuan wicket 6 a la.
Inelna hi over 40 a khelh niin final hi December 29 a khelh tura tih a ni a. Vawiinah Tlangnuam CC leh Vaivakawn CC te an inkhel ang.