Aizawl: MPYCC President Dr Lalmalsawma Nghaka chuan Congress thalai chu a tha lama an danglam a ngai tih a sawi.
Nimin khan MPYCC-in City View-ah Advance Krismas an hmang a, he hunah hian thu sawiin Dr Lalmalsawma Nghaka hian, “Congress thalaite hian Mizoram mipuite thlavang hauhna leh hmasawnna tur kawngah huaisen tak leh inpumpekna nen hma an la zel dawn a ni,” a ti.
Congress thalaiten eptu lama an tan tirh phat atanga vawii ni thlenga mipui thlavang hauh a hma an la zel thei thu lawmawm a tih thu a sawi a. MNF sorkar a din tirh a ruling vanglai leh Covid-19 hripui a len tak tak laia eptu party dangten mipui thlavang hauhnaa pen chhuah pawh an pen chhuah ngam loh laiin, Congress thalaiten tha thlah miah loa hma a lakna chu mipuiten an theihnghilh a rin loh thu a sawi bawk.